Overseas Chinese History Museum
分类：
缅甸华人
“ဓမ္မကို ဂုဏ်ပြုပူဇော်၊ အဓမ္ဓကို လောင်ကျွမ်း” ခေါင်းစဥ်ဖြင့် ထားဝယ် လူငယ်များ စစ်အာဏာရှင် ဆန့်ကျင်ရေး ကမ်ပိန်း ပြုလုပ်
2022年10月10日
ထိုင်းနိုင်ငံ ဘန်ဖီမြို့နယ်တွင် မြန်မာနိုင်ငံရှိ စစ်ဘေးရှောင် ပြည်သူများ ရန်ပုံငွေ ရရှိရေး တရားပွဲ ပြုလုပ်
ရန်ကုန်၊ အောက်တိုဘာ ၉
ထိုင်းနိုင်ငံ ဘန်ဖီမြို့နယ်တွင် စုပေါင်းတော်လှန် ပြည်သူ့အားမာန် မြန်မာပြည် စစ်ဘေးရှောင် ကူညီရေး အသင်းမှ ဦးဆောင်ကာ ယနေ့ အောက်တိုဘာလ ၉ ရက်နေ့တွင် မြန်မာနိုင်ငံရှိ စစ်ဘေးရှောင် ပြည်သူများ ရန်ပုံငွေ ရရှိရေး တရားပွဲ ပြုလုပ်ခဲ့ကြောင်း သိရသည်။
2022年10月10日
Mizzima
2022年10月9日
နိုင်ငံတစ်ဝန်း ကုန်တင်ကားများကို စစ်တပ်နှင့်ရဲက ဆက်ကြေးကောက်မှု ပိုမိုများပြားလာပြီး ငွေကျပ်သိန်းဂဏန်းချီ ပေးရ၊ ငွေ မပေးလျှင် ပစ်သတ်မည်ဟုပင် စစ်တပ်က သေနတ်ပြ ခြိမ်းခြောက်
2022年10月9日
တံတားဦး လေကြောင်းရန်ကာကွယ်ရေးတပ်မှ ဗိုလ် ၁ ဦးနှင့် တပ်သား ၂ ဦး လက်နက် အပြည့်အစုံဖြင့် တပ်ကို စွန့်ခွာမှု ပိုက်စိတ်တိုက်ရှာဖွေနေ၊ စစ်တပ်က ရှာဖွေနေသူများကို လက်ခံထားလျှင် ရွာကို မီးရှို့မည်ဟု ခြိမ်းခြောက်
ရန်ကုန်၊ အောက်တိုဘာ ၈
မန္တလေးတိုင်း၊ တံတားဦးမြို့နယ်ရှိ တံတားဦး လေကြောင်းရန် ကာကွယ်ရေးတပ်မှ ဗိုလ်အဆင့် ၁ ဦးနှင့် အခြား အဆင့် တပ်သား ၂ ဦး လက်နက်အပြည့် အစုံဖြင့် တပ်ကို စွန့်ခွာ ပျောက်ဆုံးနေသဖြင့် အနီးအနားပတ်ဝန်းကျင် ကျေးရွာများအားလုံးကို စစ်တပ်က ပိုက်စိတ်တိုက်ရှာဖွေလျက်ရှိကြောင်း ဒေသခံများထံမှ သိရှိရသည်။
အောက်တိုဘာလ ၇ ရက်နေ့တွင် ဗိုလ်နှင့်တပ်သား ၂ ဦး စုစုပေါင်း ၃ ဦး လက် နက်အပြည့်အစုံဖြင့် ပျောက်ဆုံးသွားသဖြင့် စစ်တပ်က တံတားဦးလေ ယာဉ်ကွင်းအနားရှိ ကျေးရွာများကို နေ့အချိန် ဝင်ရောက်ဧည့်စာရင်းစစ်ခြင်း၊ နေအိမ်များနှင့် ကျေးရွာများကို ပိတ်ဆို့ ရှာဖွေမှုများလုပ်ဆောင်နေကြောင်း သိရှိရသည်။
“လေယဥ်ကွင်းနားက ရွာတွေ အကုန်ဧည့်စာရင်းစစ်ခံရတယ်။ လက်နက်အပြည့် အစုံနဲ့ သူတို့ ရှာနေတဲ့သူတွေ့ရင် ချက်ချင်းအကြောင်းကြားဖို့နဲ့ လက်ခံထားရင် တစ်ရွာလုံး မီးတိုက်ခံရမယ်ဆိုပြီးပြောတယ်။ တံတားဦးမြို့နယ်အနားက ရွာတွေအားလုံးမှာ ကင်းပုန်းဝပ် ပိုက်စိတ်တိုက်ရှာဖွေနေတယ်။ စစ်တပ်တွေ အုပ်စုခွဲပြီး တရွာဝင် တစ်ရွာထွက် ဧည့်စာရင်းစစ် ပိုက်စိတ်တိုက်ရှာဖွေနေတယ်။ အခုထက်ထိတော့ ဖမ်းမိတယ် သတင်းမကြားရသေးဘူး” ဟု ဒေသခံတစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။
2022年10月8日
စစ်ကောင်စီကို ဘက်ပေါင်းစုံမှ ထိုးစစ်ဆင်မည်ဖြစ်ပြီး အဆုံးသတ်တိုက်ပွဲကာလကို ၁ နှစ်သတ်မှတ်ထားဟု NUGက တရားဝင်ကြေညာ
ရန်ကုန်၊အောက်တိုဘာ ၇
စစ်အာဏာရှင်ဖြုတ်ချရေး အဆုံးသတ်တိုက်ပွဲဆင်နွှဲမည့် ကာလကိုတစ်နှစ်သတ်မှတ်ပြီး ဘက်ပေါင်းစုမှ ထိုးစစ်ဆင်သွားမည်ဖြစ်ကြောင်း အမျိုးသားညီညွတ်ရေးအစိုးရ(NUG)က ယနေ့ ညပိုင်း၌ ပြုလုပ်သည့် သတင်းစာရှင်း လင်းပွဲတွင် တရားဝင် ကြေညာသည်။
တော်လှန်ရေးအင်အားစုများ၏ မဟာဗျူဟာမြောက် ပေါင်းစည်းမှု အစွမ်းဖြင့် အဆုံးသတ်တိုက်ပွဲ ဆင်နွှဲရန်လည်း သံဓိဌာန်ချထားပြီးဖြစ်ကြောင်း နိုင်ငံရေးထွက်ပေါက်နှင့် စစ်ရေးအသက်ရှုပေါက်ကို ရှာဖွေနေသည့် အကြမ်းဖက် စစ်ကောင်စီကို အချိန်ပေး၍ မရတော့သည့် အခြေအနေဖြစ်ခြင်းကြောင့် အမျိုး သားညီညွတ်ရေးအစိုးရဖြင့် မဟာ မိတ်များ နှင့်ပူးပေါင်းကာ ကဏ္ဍ စစ်မျက် နှာခြောက်ခု ဖွင့်ပြီး အရှိန်မြှင့် ထိုးစစ်ဆင်နိုင်ရေးကို တစ်နှစ် စီမံချက် ညှိနှိုင်းရေးဆွဲနေပြီဖြစ်ကြောင်း NUG သတင်းစာရှင်းလင်းပွဲ တာဝန်ရှိသူ ဦးနေဘုန်းလတ်က ပြောဆိုသည်။
လိုအပ်သည့် အခြေခံအုတ်မြစ်ကို ဖြည့်ဆည်းတည်ဆောက်ခဲ့ပြီးပြီဖြစ်၍ လာမည့်ကာလတွင် တော်လှန်ရေးကို အဆုံးအဖြတ်ပေးမည့် နှစ်အဖြစ်ခံယူကြောင်း ဦးနေဘုန်းလတ်က ဆိုသည်။
အမျိုးသားညီညွတ်ရေးအစိုးရ၏ မဟာဗျူဟာမြောက်ဆောင်ရွက်ချက်များကို အကောင် အထည်ဖော် လုပ်ဆောင်နိုင်ရန် အရေးကြီးဆုံးအင်အားသည် ပြည်သူ လူထုသာဖြစ်ကြောင်း ၎င်းက ဆိုသည်။
ယင်းကြောင့် အခက်အခဲဆုံးကာလကို ရင်ဆိုင်ရမည်ဖြစ်ပြီး အားလုံးညီညွတ်စွာ ဝိုင်းဝန်းကြိုးစားပါက ထင်သာမြင် သာသည့် အပြောင်းအလဲများ ပန်းတိုင်များကို လာမည့်နှစ်တွင် မြင်တွေ့ရမည်ဖြစ်ကြောင်း ၎င်းက ဆိုသည်။
2022年10月8日
အမျိုးသားညီညွတ်ရေးအစိုးရ၊ ပြည်ထောင်စုဝန်ကြီးချုပ် မန်းဝင်းခိုင်သန်း ရှေ့တန်းစစ်စခန်းတစ်ခုသို့သွားရောက်ပြီး PDF ရဲဘော်များနှင့် တွေ့ဆုံကာ အားပေးစကားပြောကြား။
2022年10月8日
ပုလဲ၊ ကနီ၊ မြိုင်၊ သပိတ်ကျင်း၊ ဝမ်းတွင်းနှင့် စစ်ကိုင်း-ရွှေဘိုလမ်းတွင် စစ်ယာဉ်တန်းနှင့်စစ်ကြောင်းများ မိုင်းဆွဲခံရခြင်း နှင့်တိုက်ခိုက်ခံရခြင်းကြောင့် စစ်အရာရှိ အပါအဝင် စစ်သား ၂၀ ဦးသေဆုံး
2022年10月7日
ဘုရားသုံးဆူမြို့နယ်ခွဲ၊ မက္ကသာကျေးရွာကို စစ်တပ်က တိုက်လေယာဉ်ဖြင့် ပစ်ခတ်မှုကြောင့် စစ်ဘေးရှောင်များ ခိုလှုံရာ ဘုန်းကြီးကျောင်း ထိမှန်ပျက်စီး
ကရင်ပြည်နယ်၊ ကြာအင်းဆိပ်ကြီးခရိုင်၊ ဘုရားသုံးဆူမြို့နယ်ခွဲ၊ မက္ကသာကျေးရွာကို အကြမ်းဖက်စစ်ကောင်စီက အောက်တိုဘာလ ၆ ရက် ယနေ့နံနက် ၃ နာရီဝန်းကျင်တွင် လေကြောင်းမှတဆင့် ပစ်ခတ်တိုက်ခိုက်မှုကြောင့် မက္ကသာ ဘုန်းကြီးကျောင်း ထိမှန်ပျက်စီးခဲ့ကြောင်း သတင်းရရှိသည်။
ယခင်က အဆိုပါ ဘုန်းကြီးကျောင်းတွင် ဒေသခံရွာသားများ ခိုလှုံနေကြသော်လည်း ယခု စစ်ကောင်စီက လေကြောင်းမှ တိုက်ခိုက်ချိန်တွင် လူထိခိုက်မှု မရှိခဲ့ကြောင်း သိရှိရသည်။
“ဒီဒေသတွင်းမှာ တိုက်ပွဲတွေဖြစ်တော့ ကျောင်းထိုင်ဘုန်းကြီးက အရင်ရက်တွေကတည်းက ရှောင်သွားပြီ၊ ဘုန်းကြီးရှောင်သွားတော့ ပြည်သူတွေလည်း ဘုန်းကြီးကျောင်းကို မသွားကြတော့ဘူး၊ အဲဒါကြောင့် ပြည်သူတွေ မထိတာ” ဟု ဒေသခံတစ်ဦးက ရန်ကုန်ခေတ်သစ်သို့ ပြောဆိုသည်။
အခြားဒေသခံတစ်ဦး၏ ပြောဆိုချက်အရ ယင်းဘုန်းကြီးကျောင်းမှ ကိုရင်နှစ်ပါး ပျောက်ဆုံးနေကြောင်း သိရှိရသည်။
အကြမ်းဖက်စစ်တပ်၏ လေကြောင်းမှ ပစ်ခတ်တိုက်ခိုက်မှုကြောင့် ဘုန်းကြီး ကျောင်းအတွင်းရှိ ကျောင်းဆောင်တစ်ခုပျက်စီးကြောင်း ရန်ကုန်ခေတ်သစ်က အတည်ပြုနိုင်ပြီး အခြားထိခိုက်ပျက်စီးမှုများကို အသေးစိတ်သိရှိနိုင်ရန် ဆက်လက်စုံစမ်းလျက်ရှိသည်။
အဆိုပါဒေသသည် ကရင်အမျိုးသားအစည်းအရုံး KNU တပ်မဟာ ၆၊ ဒူးပလာယာခရိုင် အုပ်ချုပ်နယ်မြေအတွင်း တည်ရှိပြီး စစ်တပ်နှင့် KNLA ပူးပေါင်းတပ်ဖွဲ့များကြား တိုက်ပွဲများ နေ့စဉ်နီးပါး ဖြစ်ပွားလျှက်ရှိသည်။
ဘုရားသုံးဆူမြို့အနီး ဘုရားတောင်စစ်တပ်စခန်းကို KNLA ပူးပေါင်းအဖွဲ့က စက်တင်ဘာလ ၂၈ ရက်နံနက်တွင် တိုက်ခိုက်သိမ်းပိုက်ပြီးနောက် အကြမ်းဖက်စစ်ကောင်စီသည် ကြာအင်းဆိပ်ကြီးအခြေစိုက် တပ်ရင်းများမှတဆင့် လက်နက်ကြီးများ ရမ်းသန်းပစ်ခတ်ခြင်း၊ ကင်းထောက်နှင့် တိုက်လေယာဉ်များ မကြာခဏ ဝဲပျံခြင်း၊ ဗုံးကျဲပစ်ခတ်ခြင်းများ ပြုလုပ်နေသည်။
2022年10月6日
ရခိုင်စစ်ပြေးဒုက္ခသည်တွေထဲမှာ ခြောက်လအောက်ကလေးငယ် နှစ်ထောင်ကျော် ပါနေ
ရခိုင်ပြည်နယ်တွင်း တိုက်ပွဲတွေကြောင့် နေရပ်စွန့်ခွာ ထွက်ပြေးရတဲ့ စစ်ဘေးဒုက္ခသည် ၈၂ဝဝဝ ကျော် ရှိလာနေပြီလို့ ရက္ခိုင့်တပ်တော် (AA) က အောက်တိုဘာလ ၄ ရက်နေ့မှာ ထုတ်ပြန်ပါတယ်။
အဲ့ဒီထဲမှာ ခြောက်လအောက်နဲ့ မွေးကင်းစကလေး ၂၁ဝဝ ကျော်ပါဝင်ပြီး ဒုက္ခသည်စခန်းပေါင်း ၁၅ဝ ကျော်မှာ ခိုလှုံနေရတယ်လို့ ဆိုပါတယ်။
စစ်ကောင်စီနဲ့ ရက္ခိုင့်တပ်တော် (AA) တို့ကြား တိုက်ပွဲတွေကြောင့် ပြီးခဲ့တဲ့ ဩဂုတ်နဲ့ စက်တင်ဘာ နှစ်လတည်းမှာတင် စစ်ဘေးဒုက္ခသည် ၆၁ဝဝ ကျော်တိုးလာတယ်လို့လည်း ဆိုပါတယ်။
ကျောင်းသားတစ်သောင်းကျော်လည်း ဒုက္ခသည်စခန်းတွေမှာ ပညာသင်နေရတယ်လို့ ထုတ်ပြန်ချက်မှာ ပါပါတယ်။
ပြီးခဲ့တဲ့နှစ်လအတွင်း ရခိုင်ပြည်နယ်မြောက်ပိုင်း ဘူးသီးတောင်၊ မောင်တောင်၊ မြောက်ဦး၊ ကျောက်တော်၊ ပုဏ္ဏားကျွန်း၊ ရသေ့တောင် စတဲ့ဒေသတွေမှာ တိုက်ပွဲတွေဖြစ်နေပြီး ဒေသခံတွေ ထွက်ပြေးရတာ ဖြစ်ပါတယ်။
စစ်ဘေးဒုက္ခသည်တွေ တိုးလာနေပေမယ့် သူတို့ကို ကူညီပေးမယ့် နိုင်ငံတကာအဖွဲ့အစည်းတွေကို အာဏာသိမ်း စစ်ကောင်စီဘက်က ပိတ်ပင်နေတာကြောင့် ဒုက္ခသည်တွေ အခက်အခဲဖြစ်နေရတယ်လို့ အကူအညီပေးနေသူတွေက ပြောပါတယ်။
2022年10月6日
←
上一页
1
…
4
5
6
7
8
…
10
下一页
→
